Tahririyat siyosati
Bu sahifada HBR.uz materiallari qanday tayyorlanishi, tekshirilishi va tuzatilishi tushuntiriladi.
Faktlar va manbalar
- Raqamlar, stavkalar, sanalar va hujjat raqamlari birlamchi manbadan olinadi: qonunlar va farmonlar uchun lex.uz, soliqlar uchun Soliq qo‘mitasi, kurs va foizlar uchun Markaziy bank, statistika uchun Milliy statistika qo‘mitasi.
- Ommaviy axborot vositalari xabarlari faqat tasdiqlovchi manba sifatida ishlatiladi va nomi bilan ko‘rsatiladi.
- Manba matn ichida, fakt turgan joyda havola qilib beriladi.
- Rasmiy manbada tasdiqlab bo‘lmagan raqam e’lon qilinmaydi. O‘rniga o‘quvchiga uni qayerdan tekshirish mumkinligi aytiladi.
- Misollar va hisob-kitoblarni tahririyatning o‘zi tuzadi; faraz qilingan qiymatlar matnda «faraz» deb belgilanadi.
Mustaqillik
- Tahririyat materiallari reklama beruvchilar ta’siridan mustaqil tayyorlanadi.
- Hamkorlik asosidagi materiallar «Hamkor materiali» deb aniq belgilanadi.
- Kompaniya yoki xizmat haqida yozganda (masalan, marketpleys yoki bank mahsuloti) biz uning shartlarini tushuntiramiz, uni reklama qilmaymiz.
Sun’iy intellektdan foydalanish
- «Jonli efir» bo‘limidagi qisqa yangilanishlarni sun’iy intellekt ochiq manbalardan topib, o‘zbek tilida qisqacha bayon qiladi. Har bir yangilanish manbaga havola bilan beriladi va «AI» belgisi bilan ajratiladi; tahririyat ularni kuzatib boradi.
- Qo‘llanma va tahliliy maqolalar tayyorlashda sun’iy intellekt yordamchi vosita sifatida ishlatilishi mumkin. Har bir fakt manbaga solishtiriladi, matnni tahririyat o‘qiydi va tasdiqlaydi.
- Illyustratsiyalarni tahririyat maqola mavzusiga moslab chizadi; fotosuratlar ishlatilganda muallif va litsenziya ko‘rsatiladi.
Yangilash
Soliq stavkalari, eng kam ish haqi, kurslar kabi o‘zgaruvchan ma’lumotlarga ega qo‘llanmalar qonunchilik o‘zgarganda yangilanadi. Muhim o‘zgarish kiritilsa, matnda bu haqda eslatma qoldiriladi.
Xatolarni tuzatish
Xatoni tan olamiz va tez tuzatamiz. Tartibi — Tuzatishlar sahifasida.